看到zz的「只穿喜歡的」裡面，那位少女所染的一頭粉紅色，令我想起多年前，一頭橙紅色的自己。
年少，原來還是有點狂的。
當年將整個很簡單的短髮染成鮮橙紅色，其實沒有想過標奇立異(大佬，咁都唔會覺得標奇立異？！)。
染髮後，頂頭上司說：你真夠膽！我就一定唔會！呢世都唔會！
部門的總監(一位阿姐級人馬)如是說：阿女，你搞咩？失戀呀？好地地...而家...
雖說他們都「不贊成」我染了一頭橙髮，但只是講了幾句，沒有嚴責，算我走運吧！
後來，連隔壁部門的總監(另一位阿姐位)，在走道上見到我，大叫：橙頭寶寶！
於是，我就成了好一陣子「橙頭寶寶」了。
其實，當時的我也許太悶，(但真係跟什麼失戀、失業、失意...無關喎！)就從改變髮型入手，希望可以為悶到爆的生活加添一點點色彩。
當時，那個月(因為會走色嘛)的"橙頭生活"，真係好得意...
例如，搭地鐵時，小朋友會指著你，去問他媽媽：佢係咪外國人？
又會有阿伯見到我，嚇到彈開！....很多很多...
其實，繼橙頭之後，不是沒有想過染桃紅色的，只是漂髮實在很痛，就作罷了。
