滿是油煙味的餐廳。

跟友去了吃宵夜...
席間，談及通風不好，油煙處處的餐廳。

友：其實我真係好怕油煙味焗在餐廳不散去，所以最怕抽風欠佳的餐廳，再好吃，都是令我感到很難受。
我：係呀，我都很怕光顧那種食店！
友：嗯。
我：咁呢，你有無識得一些人好似「抽風欠佳的食店」...咁討厭？
友：吓?!!
我：係呀，即是形容那種人人都說好，卻其實「滿滿油煙味」的餐廳...咁嘅人...
友：哇，要諗吓...無諗過喎！

旅遊新概念。

關於旅遊，吾友TC君，有這樣的概念：

我：你七月中旬去旅行嗎？
友：不，我不會去旅行了！
我：吓!你不是說好要去日本旅遊嗎？
友：吓!!!去歐洲才算去旅遊喎~
我：吓!!!!!那，去日本算是什麼？
友：hm...算是離開吓香港囉~

=____="

關於快樂地愛護。

謝謝你，嫣薇。
經你提醒，我明白，那生活裡一切由我帶來的，給悲劇化的人生，我還是將它們留在創作裡頭好了。
生活，還是踏實平靜一點的為妙。

謝謝你，G。
我的心結，當然由自己解開。
這次，不是上天給我安排好的"機會"，還會是什麼?!
回到了那個Mandala一樣的心裡去，縱千頭萬緒，卻是如斯真實。

我會快樂地愛護我喜歡的人。
當中，有妳們。

放開懷抱練習。

從小到大，最熟練的事情有幾項，最「灑家」的其中一項，必定是「耿耿於懷」。
想當年，假如我認亞軍，相信身邊一眾朋友都無人可以認冠軍。
今天回望，人是開懷了一點點，但偶爾遇到不知道怎樣解決的事，人還是會只懂緊張地放鬆。

大清早，就SMS給P先生，這位「永遠輕鬆大王」。

我：人生真的超無常，只有無常最恆常。
P：願你平常心...
我：只是當對方的"秘密"讓我很難過，為了他和自己...難過。難道那種戲劇一樣的命運是我所追求的？原來，心結都在我身上！
P：Tie is good when you write...drop it when not writing.
我：創作不多，卻很少願意放過自己。我會試著跟你的話而作。
P：能試就好......不必太緊張。

於是，我開始非常著緊地練習放開懷抱。
到底何時才有P的閒心與智慧?!

享受秘密。

秘密不比回憶，從來都只是負荷。

我：自斟自飲的苦杯，必定是最苦的。
A：這個倒是不用幫他設想，可能他享受這個秘密呢？？

我不知道答案，也許此生此世也得不到那個所謂的"真相"。
可是，當我決定要去愛護一個人，是無論如何我都會跟自己守諾的。

當人們都說愛情不可以一輩子，我沒有意見。
因為我不懂得。
可是，我只知道愛護是絕對可以一輩子的。
就算那是一種我不懂得形容的感情。
應該是：代表我願意為那人在任何他需要的時候，挺身而出。

I'll be Fine。

我為事業而焦慮...跟P 在SMS傾談之間...

P說：You will be fine。

讓我看著電話的短訊良久...嗯，感動。

生日金利來。

老Z生日，可惜我未能在她生日前跟她慶生...
於是，在她生日的前一晚，我們隔空有這樣的對話：

我：今晚跟誰慶生？
ZZ：古生，明晚張生，後晚D，後後晚潘生。
我：金利來！






















我：男人的世界呀!!!!!!!!!

剛剛認識你。

跟舊上司Y 拜年，他邊派利是，邊問...

Y：你MSN張相點解瘦咁多？
我：係呀，舊相嚟架...X年前...咪就係剛剛認識你無耐時拍的囉..
Y：(笑得極衰！)...哈...係呀.係呀..

請食檸檬。

昨晚午夜，跟CTW 在維園散步回家。
感覺很好。

**********************
這個午夜，我們有這樣的SMS對話：

我：頭先見你無覆，以為你瞓了。
TW：sorry頭先去了打邊爐及飲嘢，不好意思！
我：咁又唔駛say sorry咁嚴重！
TW：今晚有兩場，已經推了兩場，明晚仲有兩場，搞到無時間看書，很內疚！
我：哇))) 你超受歡迎！個個都爭住約你。
TW：係咪玩嘢？寸我吓話！我貪玩唧！
我：係真心話，咁多人約你，我下次唔敢約你，實食檸檬！
TW：咁又唔駛唔敢...我好似從未推過你喎！
我：哇..你好畀面我呀！但我真係唔可以再食檸檬，會胃痛喇..只可以請人食..哈哈
TW：咁下次你請我食囉.

都市減壓無聊對話篇——二月份。

告訴P我在公司裡發生了的一些事情後...有以下的對話：

我：我仍然「忍耐」囉...
P：忍字有心
我：用把刀去割個心喎...痛架喎
P：橫放姐，沒有割下去
我： =____=" 你好嘢.
P：可能幫你擋住妖魔
我：誰是妖魔？你呀？
P：有可能，虛則實之，實則虛之
我：壞人係你. 原來.
P： :s 唔系卦
我： 哈哈..真係無人知.. 連你自己都唔知.
P： 好壞差一線
我： 其實唔係差一線，係「共存」，就好似有益及有害的細菌共存於身體一樣

四次再見。

話說，接近放工時段，我請了P吃全港最美味的「帝苑酒店」蝴蝶酥…就開展了以下一段對話：

P：蝴蝶好味，食左識飛！
謝謝
我： 哼~~我都話好好好好好好好好味喇))))))))))
P：:p
我：呢啲應該加入閣下的「美食list」喇
P：對對對！
我：下次路過那邊，再買畀你地吃.
P：記得先啦，不用太客氣
心領了，不能這樣白食
我： 不吃白不吃
我唔係成日路過那邊...所以別擔心.
呢個亦不可以成日吃.
P： 你肚餓嗎？我拿回給你？
我：唔駛.放你處先喇.
P：梗系好！
我：黃叔叔...好為食！
P：黃哥哥好了
我：黃弟弟喇咁…我見大家都叫你uncle P......嘻嘻....
P：都好。我先走了，你努力呀
我：唉...好想走.
再見))))))))))))))))
P：你都差不多走得啦。。。。。
我：承你貴言!!!!!!!!
P： 虎年大展鴻圖！
我：你愛吃「鳥結糖」？
P：明天再聊。鳥結都O架！
我： 好，留一顆你. 再見.
P： 謝謝。我們好像幼兒園同學放學般
我：即係點....等阿媽接放學？
P：姐姐88
我：車~~~~~
P：阿媽上了22樓
我：好嘢呀你.
你阿媽...唔係在8樓?!! 哈/
P：我阿媽係8，你阿媽在22，後母在16。。。
我： 好複雜的家庭背景.
P：對對對
我： 對兒童成長唔好.
P：老爺都有好多個啦
我：有童年陰影
哈哈哈哈....
P：三妻四妾
我：你都係老爺
P：我係四少姐
我：你的三妻是PC, J, B…
P：或十二少
我：你就想!!!!!!!!!! 你家陣係「唔識笑」咋.
P：他們當然不是我妻啦，是工友
我： 夠爛未?!!!
P： 好爛
我：好，謝了.
P：但真係唔系好識笑
我： 咪係囉..
我講事實.
我係「記者」嘛
笑吓喇..老友
你教我架.
P： 算罷啦，都係要就範了
我： 要上轎....
唔洞房囉...到時殺咗老爺
哈
P：好複雜呀呀呀呀呀
熄機了！
我：你都唔理解個劇情...
好.
bye
P： 劇情係點樣發展架？
我：下回分解. 早點歸去喇你.
P：去買董橋新書發下夢
我：好..借我睇
快回家.
bye
P： 神(註：一本漫畫)你看了未？
我：未有「空」
P：好，新年看吧
88
我：好呀.
88

最終，講了4次「再見」才真的道別。這樣，好像不太像樣。

悲觀主義者買一折名牌貨。

跟友LX在中環，在人群中流動著，邊談話。
談及了想要轉換工作的話題。

路上，忽地回頭的LX：其實你真的可以順利喎...你看，連我這樣悲觀的人都這樣說，你一定可以喇！
我：......

我是感謝他跟我說這種話的，可是，我真的一時不懂反應！

*************************************

其實講到好笑，又不及吃飯時的對話。

LX：有天，我同事(男性高級知識份子一名！) 衝入辦公室跟我說，Polo大減價！買8件可以一折呀!!!!!但他跟太太只選了5件，只可以獲五折，所以，在店內，他做了一些事...你猜是什麼？
我：他跟不相識的人搭訕，叫人跟他一起付款囉~
LX：你怎麼一猜便猜到?!!!
我：......

LX：我就是很不開心，因為沒有買到一折的東西！
我：那我但凡見到名牌一折開倉，都預你一份，叫你去，好無？

於是，當天的晚上，我就給LX君安排好參加一個「D」字頭名牌的購物活動，是90% off的喔!!!!!!!

遠離辦公室的午餐。

話說一大早就見同事萬人迷P 君在線，他是個煙民。
他告訴我，邊吃早餐途邊抽煙...


我：你上完電嗱？
P：在上 都差不多了
我：(講到好似你有毒癮咁...)
P：你幾點返公司？
我：中午前
P：差不多啦煙癮都係毒
我：你今日沒有午餐約會咩？
P：沒有呀，你date我？
我：你會唔會請番我食檸檬?
P：請你食橙啦
我：要喇...我要補充維他命C
P： :P
我：咁一齊吃午飯喇. 你想北角定天后？ [話說我辦公室位於北角區，而我跟P君則是天后區街坊]
P：好呀！哪裡？ 北角啦 先回公司先
我：好好好. 咁去吃日本拉麵喇. 地鐵站那邊..很近公司的. 方便.
P：去遠太古apita呀
我：去咁遠？ 你真係高層. 要坐車去吃午飯！
P： 海鮮湯義粉。 其實來回一個小時已經搞掂
我：哇...咁趕. 要訂位嗎？老細.
P：不，晚點去，例如1點半出發
我：嗯..原來係咁.總之，我3點要到達灣仔工作...所以亦不能太晚去吃. 我覺得自己真係好勤力.
P：我見同你吃飯先提議去間好味咋！ 甘下次先去太古啦，太趕了
我：哇..你比我更識說話..真係要「學嘢」....
P：我是真的這樣認為

*****************************
我絕對可以想像，假如我跟P君是面對面傾談，他一定會柔情似水咁同我講以上那番話！
我都想學佢囉！學識溫柔啲！

都市減壓篇 之 越忙碌越無聊。

超級忙碌的一天，卻越發無聊！
本來在談工作的事，往往以無聊話終結。
跟P有以下的MSN對話：

P：吃了三塊你送給我的檸檬餅，這才醒起原來你請我食檸檬！
我： 好)))爛)))呀))))我何得何能請你吃檸檬呀？ 你有無咁餓？！緊急才吃喇.
P：梗有機會既！ 我慣左少吃多餐！
我：咁我以後唯有只請你吃檸檬味的食品，其他味道就免問了！
P：唔好卦，其實我喜歡麥芽餅多啲
我：哎呀，麥芽餅無推出檸檬味喎....咁點算？！..哈哈哈哈哈...哈哈哈哈.
P：加塊檸檬咪得囉！
我： =_____=" 虧你諗得出！ 咁我咪好唔得閒，請親你吃零食都要加檸檬...我係癲唧，唔係傻架！
P：傻可愛啲
我：咁你今朝又話癲好？！
P：今朝唔知道你都可以傻嘛！
我：哇....T___T...都可以傻...慘呀. 又癲又傻...實無朋友喇.
P：我就傻同矇， 未夠癲
我：哇!!!!!!!!!!!!!!!乜有人咁形容自己架?!!!
P：真的！我性格不會太癲， 唔系你想癲就癲到的
我：都係.咁我都未算癲...只是一點點狂..
P：你有狂的氣質沒錯
我：知嘞知嘞.畀到位你入添！ 你優雅嘛施主，我呢啲嘍囉，咪只可以在旁邊發狂囉.
P：說得太好笑了，真有你的
我：哇...你突然咁「國語人」..「真有你的！」
P：咁我呢幾年都係國語溝通多架喇
我：我聽過......哈.
P：你幾時聽過我講？
我：但你講唔優雅囉. 反而你講廣東話最好聽喎.
P：好多都唔記得了，太耐無講 但我唔系廣東人喎
我：有次你跟內地通電，而我們在談話中嘛.咪聽到囉.你是什麼人....我又忘了.
P：福建廈門
我：我猜，我要隊"腦輕鬆"！ 對對對，福建.
P：唔好食埋化學
我：做人就真係好鬼「化學」，我就散開咁囉.

尋笑。

那天跟P君閒聊之間，發現自己的笑容原來不單純...

我：:) <---這個很似我，圓口圓臉！
P：不，你的笑容較曖昧...
我：吓！即係點？
P：....(一時無話)
我：即係苦笑為主？
P：咪係囉！

唉))))))))))))))))
原來近的我真係唧都唔識笑囉！
我要尋回那單純的笑容，想必要先尋獲那單純的笑意。

笨拙有你。

前兩天，跟P於百忙中，有如此的隔空MSN對話：

P：你真係好勤力！
我：我要將勤補拙嘛~
P：好似劉華咁？
我：我唔係阿伯喎！
P：阿伯無罪，笨拙有理！
我：(在電腦前狂笑）哇!!!真係，笨拙有你呀!!!!!!!

*********************************
今天早上，P發了SMS給我，問我可以幫他找到一些資料。
那些是「舊報紙」囉！
於是，我找到在那家報社工作的朋友，問了，但也未必可以找到。

後來我以SMS覆了P。
我：找到朋友尋求中，放心，應該多數無問題。
P：抵錫！
我：吓，請飲酒實際啲喎！
P：都得。

萬人迷P君若然真的向我獻吻，倒不是壞事。
可是，我還是喜歡他請我飲葡萄酒多一點。嘻~

城市生活減壓良方：無聊對話篇。

P 君放工前，跟我在msn聊了一陣：

P 說: 今晚要好夜放工？
我說:不會..只是一般夜，你要放工嘞？
P 說: 7點幾啦
我說:我明天下午要去試xxxx，會飲香檳，他們的老闆來了香港.
P 說: 你就好啦
我說: 你都唔喜歡飲香檳！同埋，唔好學我講嘢
P 說: 你就好啦
我說：你好嘢！
(我做了鬼臉表情，這裡顯示不到！)


我說:原來要join我們去Cafe xxxx吃飯的人...我知道是誰了.
P 說:一個靚仔！
我說:女呀. 搞乜你成日掛住靚仔
P 說:女有你喇嘛
我說:全場你靚晒嘞..你放心好了
車..咁仔都有你喇
P 說:都係臭皮匠
我說:咁讓我來當諸葛亮喇！
P 說:你似呀！爭把扇
我說:吓....乜諸葛亮原來係肥仔？！
P 說:你點知佢唔系女人
我說:哇~~~~原來諸葛亮係肥妹!!!!!你真係勁，古人的真身你都知道係點喎...
P 說:男女都係人姐，男中有女，女中有男....
我說:車...你咁講，講晒喇.咁我都係你喇.
P 說:大家都係生物黎唧，你甘講，某一程度上係啱架。
我說：.........

工事及公事。

午夜，網上MSN遇見剛從北京公幹回港的P君。
P君是我同事，一個骨子裡很麻甩但表面又很溫文的萬人迷。
搭訕了一陣...


P：法國好玩嗎？有無醉？
我：我是去公。幹。呀！當然無醉. 假如你在，會更好。
P：我舊年去了
我：我想同你飲紅酒囉..
P：你有買酒回來？
我：對...威士忌，你要試嗎？日本威士忌.
P：去歐洲買日本威士忌，你都好型下喎
我：香檳...我只買了一瓶..但送了給朋友喇..其實香檳好鬼抵買.只是唔想抬囉.！ 咁呢款日本威士忌，香港無見到嘛...仲係set 裝，有兩隻杯架..正！
你飲唔飲威士忌？干邑？
P：威士忌好耐無飲，以前喜歡，但自從聽中醫講啤酒和威士忌是男人大忌之後便好少飲了！
我：男。人。大。忌。.....=咩？
P：對，削腎。威士忌我喜歡純麥。McCaglan 18年是一開便要飲晒的！
我：單一純麥..
P：對。百靈壇都係好，不過混威。村上春樹講個堆香港就少機會飲到
我：嗯.干邑呢？飲嗎？
P ：干邑我飲藍帶，中意佢焦糖味。其實所有拔蘭地都會溝焦糖做顏色。但拔蘭地是最夾地道廣東菜的了，送坑牛腩一絕！
我：咁你嫌佢老土？
P：不，我怕上癮！曾經有半年每晚無藍帶不歡，甘會破產的！平均一個禮拜一支..
我：唉，別讓自己為任何人事物..上癮. 每星期一瓶...嗯，都唔算好誇張了.
P ：威士忌和拔蘭地是真的會上癮，會追的，會越飲越多，會掛住的..
我：會掛住...很好的形容
P ：真的，有一年是晚晚兩杯威士忌加冰才能睡覺.. 更曾經諗過用大陸白酒代替！
我：咁我好奇，你點戒？
P ：身體開始有事咪要介囉！
我：你都係飲威士忌好了...襯你多啲.
P：無飲好耐了，呢排想飲烈酒最多都係藍帶
我：我畀你試試Glenmorangie吖. 佢支Signet都好甜吓架. 不過，其實我畀烈酒你飲，會唔會「害」你呢？
P ：少少地啦，最好唔好空肚飲
我：嗯..咁我畀一part你飲..
P：做埋bartender而家？
我：對...superb bartender
P ：重唔瞓？
我：我跟巴黎時間架
P：都好既，你其實一直都跟歐洲時間的了
我：係呀!!!!!!! 你好叻!!咁都知
P：觀察到
我：或者，我應該去歐洲生活！那邊的生活指數好高呀！
P：係呀！
我：我飲了一瓶8歐羅的可樂...雖然有人請...都肉赤囉. 咁你早點休息喇..
心情複雜就唔好想太多了. 發夢飲杯藍帶喇.唔傷身的！
P：嗯. 我都差不多睡了，明早10點到工作地點。
我：看看明天午餐後，會否見到你. 想跟你談談「工事」.....
明天再聊。晚安.
P：工定公？
我：公.. 係我寫錯.工作的事..好嗎.？哈哈哈.sweet and whisky dream lah.
P ：工作的事不一定和公司有關！
我：係。喎。!!!!!!!!!!!!!!!!!!!!! 咁，兩樣都傾喇.
P：好啦
我：再會
P：晚安